RSS
 

علامتي تعجب‏ ..!!

بواسطة
14 يوليو

 

 

في حاضرنــا المتناقض .. البعيد عن الأبجديات ..
تكمن أحداث .. نعيش تفاصيلها ..
و نجهل أبعادها ..
لا ننكر وجودها .. بل نتحاشى ارتباطنا بها ..
مع أننا ..
قد نكون أول من أوجدها..

هي ظـواهـر … لا تفسير لها في قاموسي ..
سوى …
علامتي تعجب !!

 

1..

يحب يشوف البنت متمكيجه … متبرجه ..
سافره .. متحرّره
بس يا ويلك لو تناظر اخته ,,,
أو تلمح زوجته ..!!

!! … !! … !! … !! … !!

2..

يقطّع فلان .. ويحش علاّن ..
ولو أحد جاب طاريه سوّى زعلان ..!!

!! … !! … !! … !! … !!


3..

ظاهريـاً ..
يحب أمه..  و يبرها …
بس فعليـاً ..
عيب يقول اسمها ..!!

!! … !! … !! … !! … !!

4..

ولدهم يتعاطى مخدرات ..
ولا يحافظ على الصلاة ..
وفجأه يبونه يعقل ..
زوجوه وحده من البنات ..!!

!! … !! … !! … !! … !!

5..

لو مربي لحيه أكيد صالح ..
حتى لو بالمعصية قاعد يجاهر ..
ولو مطوّل شعره أكيد طالح ..
ذبحتنا والله هالمظاهر ..!!

!! … !! … !! … !! … !!

6..

المكان ضيق .. والناس زحمه..
وخوينـا..
يطلع "السيجاره" يدخن..
كـأن ما للأنفس أي حرمه ..!!

!! … !! … !! … !! … !!

7..

مسوّي فيها إنّـه شديد وصارم ..
و الواسطة ما لها مكان في مكـتبه ..
الغريب ..
نص الموظفين عنده من أقاربه ..!!

!! … !! … !! … !! … !!

8..

أفنى حياته و هو يمد للناس يده ..
مات ..
و أكتشفوا بحسابه ملايين ..
لا هو اللي استمتع ..
ولا هو  اللي حفظ وجهه ..!!

!! … !! … !! … !! … !!

9..

يذلوننا على روحه و جيّـه …
واذا وصلت قالو ..
شكرا لإختيارك الخطوط السعوديّـه ..
غريبه ..
ما يدرون إننـا مغصوبين ..
يعني الدعوه مو اختياريّـه …!!

!! … !! … !! … !! … !!

10..

إذا أحد زارك ..لازم تباشر له ..
ولزوم الشياكه .. شوي تفخم له …
أو تصير في ناظره ..
{ يا عيب الشوم }  شو  " هالبخيل " ..!!
يمكن تكون من مبدأ معزه ..
أو يمكن محبه …
بس الأكيد ….
إذا أنت زرته هو " غصب " يرد الجميل ..
ولا يصير { يا عيب الشوم }…
هو  اللي  " البخيل " ..!!

!! … !! … !! … !! … !!

 

ثــامر ..

 
22 تعليقات |

أضيف في بُعــد آخــر .. | 7,632 زيارة

 

اترك تعليقك

                                          
 
 
  1. دانة

    16/07/2010 في 3:03 ص

    جميلة جداً .. و صادقة جداً ..
    احياناً فيه اشياء تدري انها موجوده في المجمتع ..
    لكن لما تقراها تتألم كأنك اول مرة تعرفها
    الله يصلح الحال بس ،
    شكراً لك أخوي ثامر

     
  2. H.A.a

    16/07/2010 في 5:48 ص

    9..

    يذلوننا على روحة و جيّـه …
    واذا وصلت قالو ..
    شكرا لإختيارك الخطوط السعوديّـه ..
    غريبه ..
    ما يدرون إننـا مغصوبين ..
    يعني الدعوه مو اختياريّـه …!!

    <<جدا جدا اعجبني المقال
    أسلوب رائع يشد الواحد يكمل غصب

    لك قلم مميز لا تحرمنا..

     
  3. جنجر

    16/07/2010 في 2:13 م

    السلام عليكم ورحمة الله وبركاته

    حقا إبداع
    تم نسخ رقم 2 حتى أعاير فيها كل حشاش
    لا يكون في حقوق طبع و نسخ مادري نسخ و طبع لأني أخذتها خلاص
    لن يتم الإسترجاع إلا بمليون و شكرا.

    و رقم 9 كااااااااااااااااااااااااااااااااااااااااااااااااااك

    و رقم 6 صج صادق فيها طول الوقت ما يطلع سجارة بس أول ما ينترس المكان يا حلو السجارة وقتها

    و إلى الأمام دوما يا king و إنت على الطريج مو تنسى تجيبلي فلافل و حمص ما عليك أمر.

    و مع السلامة و في حفظ الله :)

     
  4. a7sas

    18/07/2010 في 6:35 م

    اممم واقع صعب يتغير
    تصويرك له إبداااع
    دمت كم تحب

     
  5. صمـت القمــر

    19/07/2010 في 1:13 ص

    عالمنا مليان علامات التعجب
    راح تتعب وانت تتعجب

    مبدع

     
  6. ثـامـر

    19/07/2010 في 11:29 ص

    دانــه ..
    يخفف على الواحد لما يدري ان معه ناس ..
    متعجبين من الواقع مثله

    ..
    H.A.a
    << جدا جدا كبرت راسي

    ..
    جنجر
    اكيد فيه حقوق ما تشوفين حرف السي اللي بوسط دويره تحت ..
    بالمناسبه كويس انك تطرقتي لهالشيء ..
    لاني شايف ان الشعب قامو يسرقون اللي أكتبه بكل بجاحه هاليومين
    المووهم ما علينا بالنسبة لك .. اختاري يا حقوق نسخ ولصق يا حمص وطعميه

    ..
    a7sas
    نتمنى نكون سبب في انه يتغير
    دمت كما تحب .. ولمن تحب

    ..
    صمـت القمــر
    من جد .. حدي الإتماني للتعجب خلص ..
    شكلي بقلبها استفهامات وعصافير تدور فوق الراس من اليوم وطالع

     
  7. 4

    21/07/2010 في 12:42 م

    السلام عليكم ورحمة الله وبركاتة
    اخوي ثامر انت مبدع دائمآ بكتاباتك
    انا اشوف ان الامور ذي للاسف تعدت ان يكون عليها استفهامات الا للاسف صارت مسلمات بمجتمعنا

     
  8. sho8aa8

    23/07/2010 في 1:41 ص

    كلآآآآم جمييييييل

     
  9. WEJDAN

    29/07/2010 في 3:12 ص

    1..

    يحب يشوف البنت متمكيجه … متبرجه ..
    سافره .. متحرّره
    بس يا ويلك لو تناظر اخته ,,,
    أو تلمح زوجته ..!!

    ،،،،

    4..

    ولدهم يتعاطى مخدرات ..
    ولا يحافظ على الصلاة ..
    وفجأه يبونه يعقل ..
    زوجوه وحده من البنات ..!!

    ،،،،

    رآقت لي تلك التعجبآت ولازلنآ نتعجب ومامن جوآب لذآك التعجب

    !!!!!!!!!!!!!!!!!!!!!!!!!!!!

    دمت بود

    تقبلني هنآ :

     
  10. ثـامـر

    01/08/2010 في 11:34 ص

    أخووي 4 ..

    اولا ..

    ثانيا .. اتفق انها اصبحت مسلمات ..
    لكن ..
    التعجب قد يعني عدم القبول بس بطريقة احترافيه

     
  11. ثـامـر

    01/08/2010 في 11:36 ص

    sho8aa8

     
  12. ثـامـر

    01/08/2010 في 11:39 ص

    WEJDAN..

    راق لي أنها راقت لكـ

    حياك كل أبوو دااايم

     
  13. MOHANED

    06/08/2010 في 11:20 م

    حركآت يآثآمر
    صدقت بكل كلمه ^.^
    حركات كل اصدقاء مستر اي عندهم مواهب
    اعطونا شوي خلونا نكشخ فيهم

     
  14. los angeles

    15/08/2010 في 2:02 ص

    very nice
    keep em coming

     
  15. FATO

    22/08/2010 في 7:34 م

    خوقآآقيه الكلمآت تسسسلم أنآملك


    سلآلآم’ـم

     
  16. زٍحَ’ـمةَ حَ’ـڪيّ..||≈

    25/08/2010 في 11:22 م

    كلام عين الصواب

    وكثيراً مانواجه هذه الامثال

    عافاك المولى

    اسأل الله ان ينفع بك

     
  17. ملاك

    30/08/2010 في 11:42 م

    صح لسانك
    كلام سليم 100 %

     
  18. أميرة القهوة

    11/09/2010 في 8:24 ص

    السلام عليكم و رحمة الله و بركاته ..
    ::
    أسلوب راقي و رب البيت ..
    تتحدث عن ما يجعل العقل يتعجب فعلاً .
    لا تتعجب فلن يفيد و لا علامتي تعجب .
    أننا نعيش قصصاً كل يوم لا يستطيع عقلنا ترجمته .. .gif" class="wp-smiley" />
    مبدع و الله .
    /
    واصل مِشوار الإبداع .

     
  19. منوع

    12/09/2010 في 9:47 ص

    جميل ما كتبت أخي

    أحييك على حكمتك ورجاحت عقلك

    منطق يفتقر له الكثير منا

    موضوع يحاكي ما يحصل ويدور في ما بيننا

    جل التحاياآ

     
  20. a7modey

    05/10/2010 في 8:47 م

    مره حلوه يا ثامر و الى الأمام

    و نبي نشوف جديدك

     
  21. نبض .. !

    06/12/2010 في 8:43 ص

    تناقض في هذا العالم .. نعيش ونشوف ,, !!

    راقت لي كلماتك ..

    دمت بخير ,,

     
  22. espresso.cxz

    17/04/2011 في 1:21 ص

    الأسلوب الحر في التعبير.. جمييييييل.. يجعل القارئ يكمل.. لا تفقده..